Kulankii Wadatashiga & Xogwareysiga ee Dhameystirka Dowladgoboleedka Azaaniya.

Sidii aan horey idiinku soo tabiney waxaa jirey socodaalo wufuudii Dawlad goboleedka Azaaniya hadaba Magaalada Gaarisa ee Caasimada gobolka waqooyi bari kenya waxaa ka dhacay kulan lagu kala xog qaadanayey. Kulankaas oo dhexmarey Wafdigii ka soo laabtay Magaalada Dhoobley oo uu hogaaminayo Suldaan Cabdi Cali Sonkor iyo Madaxweynaha Dawlad goboleedka Azaaniya oo ay weheliyaan Masuuliyiin ka tirsan Dawlada Kenya oo uu ka midyahay Xildhibaan Colow . Kulankan ayaa waxuu ka dhacay Hotelka Almond ee Magaalada Garisa kulankaas ayaa waxaa warbixin markii oogu horeysay jeediyey wafdigii ka soo laabtay magaalada Dhoobley waxayna sheegeen in magaalada dhoobley amaankeedu aad u wanagaasanaa dadka ku nool magaalada dhoobleyna ay taageersanyihiin Dawlad Goboleedka Azaaniya, ayna jecelyihiin in ay sii socoto xoreynta Deegaanada kale ee Azaaniya waxayna u mahadceliyeen Maamulka iyo Madaxwaynaha Dawlad goboleedka Azaaniya warbixiyeen baahida dadka Azaaniya ay u qabaan xoreynta deegaanadooda iyo in ay helaan Nabada waarta deegaanada kale ee ay dariska yihiina ay kula noolaadaan Nabad Waxaa kale oo ay intaas ku dareen in shirarkii ay qabteen dhamaantood ay ka sinaayeen dadku hal fikir kaas oo ah Taageerida Dawlada goboleedka Azaaniya lagana faa iidaysto fursadahan qaaliga ah gobolada qaarkoodan ayna haysanin ,Waxayna sheegeen in markii oogu horeysay ay arkeen Ciidan tayeysan Hubkiisii iyo saanadiisiina wata Mushaarkoodan qaata dadka deegaankana aan la waydiineynin kharshakii ku bixi lahaa Ciidankaas taas oo ay ooga mahadceliyen Madaxwaynaha Azaaniya Profer Maxamed Cabdi Gaandi iyo dawlada Kenya Dhinaca kale waxaa hadlay Profer Gaandi wuxuuna u mahadceliyey odayaasha Socodaalkii dheeraa ee ay deegaankooda ku soo booqdeen waxaa kale oo uu raaciyey talooyinka iyo warbixinada ay keeneen in si dhab ah loo fulin doono lana dhamaystiri doono qaab dhismeedka dawlad goboleedka Azaaniya ,ciidanka dawlad goboleedka Azaaniyana uu dhaqaaqi doono mardhaw si uu u xoreeyo deegaanada harsan. Intaas kadib waxaa ka hadalay shirka Xildhibaan Cabdiraxmaan Colow oo ah u qayebsanaha Dawlada Kenya Lasocoshada Barnaamjika Azaaniya wuxuuna sheegay xildhibaanku in dawlada kenya ay ka go antahay in dawlad goboleedka Azaaniya uu hirgalo noqodana Maamul daris wanaag kula noolaada dawlad Kenya waxaa kale oo intaas ku darey in aan loo dulqaadaneynin cidii caqabad ku noqota Dawlad Goboledka Azaaniya Intaas kadib waxaa shir jaraa id wada qabtay Profer M. Gaandi, Suldaan Cabdi Cali Sonkor, Ugaas Cumar Xiirey, Ugaas Maxamed Xasan Shongolo Waxayna ka hadleen qodobadan 1) Mahadcelin dawlad kenya ka gacantii ay ka gaysatay Barnaamjika Azaaniya iyo Soo dhawayntii qoxootiga Ka soo qaxay Azaaniya 2) Hanbalyo iyo mahadcelin ay u jeediyeen Maamulka iyo Ciidanka Azaaniya 3) iyo dhamaystirka dawlad gobolledka Azaaniya oo ay sheegeen in uu shirwaynihii dhici doono mardhaw inshaa lahaa laguna dhisi doono Golaha Guurtida,Golaha Baarlamaanka iyo Golaha Wasiirada loona guuridoono deegaanada xorta aha Waxaan idiin soo wadnaan Qoraalo iyo sawiro kale oo dhamaantood aka hadalay Dawlad goboleedka Azaaniya. IjaraNews Garissa

22 Jun 2011 by Yussuf 0 comments