Faafaahin ku aadan Qasaaraha Qaraxii Maanta Muqdisho ka dhacay.

04.Apr.2012:- waxaa sii kordhaysa qasaaraha ka dhashay qaraxii ismiidaaminta ahaa ee maanta ka dhacay xarunta Golaha madadaalada iyo murtida ee Muqdisho oo ay ka socotay Xaflada lagu maamuusaya dib u howlgalintii TV-ka qaranka Soomalaiyeed. warbixinada ayaa sheegaya in dad ka badan tobaneeyo ay ku dhinteen oo isugu jira masuuliyiin iyo shacab iyadoo ay ku dhaawacmeen tiro kale oo intaasi ka badan. waxaa jira warar is qilaafsan oo ilaa haadan soo baxaya laakiin waxaa la xaqiijiyay waxyeeladaan dadkaan: Masuuliyiin waxyeelo soo gaartay Illaa hadda waxaan naloo xaqiijiyey in khasaaraha ka dhashay goobta uu sii kordhayo waxaase helnay magacyada dadka waxyeeloobay qaarkood; 1- Siciid Mugaambo oo ahaa gudoomiyaha Xiriirka Kubbada Cagta Soomaaliyeed (waa uu geeriyooday) 2- Aadam Xaaji Yabarow Wiish- oo ka tirsanaa Guddiga Olybikada Soomaaliyeed (wuu dhintay) 3- Xildhibaan Mowliid Macaane Maxamuud- oo ka tirsanaa baarlamaanka Soomaaliya (wuu dhaawacmay). 4- Xildhibaan Maxamed Cumar Dalxa- (waa dhaawac) 5- Cabdi Xaaji Goobdoon- oo ahaa la taliyaha raysul wasaaraha ee dhanka warbaahinta (waa dhaawac) 6- Axmadey Cabdi Gaashaan- fanaan Soomaaliyeed- (waa dhaawac) Wariyaal waxyeelo soo gaartay 1- Suleymaan Sheekh Ismaaciil- Gudoomiye ku xigeenkii ururka Suxufiyiinta Qaranka Soomaaliyeed NUSOJ – (waa dhaawac daran) 2- Wariye Maxamed Shariif – oo ka tirsanaa idaacadda Bar-Kulan (wuu dhaawacmay) 3- Wariye Axmed Cali Kaahiye- oo ka tirsan Radio Kulmiye (wuu dhaawacmay) 4- Wariye Ayaan Cabdi – oo ka tirsan telefishanka S24 (waa dhaawacantay) 5- Wariye Deeqo Maxamed Axmed- oo ka tirsan Radio Muqdisho (way dhaawacantay) 6- Wariye Xamdi Xiis- oo ka tirsan telefishanka Somali Channel (way dhaawacantay) Ilo wareedyo ku dhow xafiiska raysul wasaaraha ayaa sheegaya in dhowr wasiir oo xukuumada ka tirsan ay dhaawacmee abdi risaak ceynte ijaranews nairobi

04 Apr 2012 by webmaster@ijaranews.com 0 comments